Компанијата на Илон Маск, xAI, создава сопствена верзија на ChatGPT, според објавите на Маск на Твитер.
Овој модел се нарекува Grok и е овозможен да одговори на серија прашања на различни теми, веројатно потпирајќи се на база на знаење слична на онаа што се користи за обука на ChatGPT и други слични програми.
Grok користи „пристап до информации во реално време“, рече Маск, и како ChatGPT, овој модел има и можности за пребарување на интернет.
Grok has real-time access to info via the 𝕏 platform, which is a massive advantage over other models.
It’s also based & loves sarcasm. I have no idea who could have guided it this way 🤷♂️ 🤣 pic.twitter.com/e5OwuGvZ3Z
— Elon Musk (@elonmusk) November 4, 2023
Маск посочи дека Grok ќе одбие да одговори на некои прашања од чувствителна природа, како на пример „како да се направи кокаин“. Од она што е објавено досега, моделот одговара на тоа прашање малку подосадно од ChatGPT, но се вели дека е „дизајниран да внесе малку повеќе хумор во неговите одговори“.
Шефот на Твитер рече дека Grok ќе биде достапен за „одбрана група на корисници“ почнувајќи од вчера, 4 ноември, но подоцна додаде дека секој со Premium Plus план, кој чини 16 долари месечно, ќе добие пристап до Grok „кога ќе излезе од раната бета верзија“.
Grok беше најавен во јули оваа година, а Маск тогаш изјави дека сака „да изгради вештачка интелигенција за да ја разбере вистинската природа на универзумот“.
Самата компанија xAI е предводена од Маск, но има и ветерани од институции како што се DeepMind, OpenAI, Google Research, Microsoft Research, Tesla и Универзитетот во Торонто.