Истражувач за безбедност на Google откри грешка во процесорите на Интел што може да загрози милијарди компјутери ширум светот.
Дали редовно ги ажурирате програмите на вашиот компјутер? Ако одговорот е не, веројатно е дека вашиот компјутер е меѓу милијардите кои се ранливи и би можеле да бидат нападнати од хакери поради еден единствен безбедносен пропуст.
Според истражувачите од Google, кои ја открија грешката, милијарди компјутери ширум светот имаат безбедносна ранливост наречена „Downfall“ во процесорот на Интел. Оваа ранливост, или грешка во системот, ќе им овозможи на хакерите да украдат лозинки, клучеви за шифрирање и приватни кориснички податоци.
Хакерите, кои би ја искористиле оваа ранливост, лесно би можеле да пристапат до податоците на другите корисници на системот, а за да влезат во системот, малициозен софтвер или компјутер што користи споделени ресурси, како што е cloud компјутерство, би било доволно.
Истражувачот Даниел Могими, кој ја пронашол грешката, за се го известил Интел, кој во меѓувреме создал закрпа што треба да го реши проблемот. Но, само ако корисниците ја инсталираат.
Имено, Интел појасни дека грешката не е пронајдена во најновите верзии на нивните процесори, а закрпата не би требало да им прави големи проблеми на корисниците. Можеби само малку пониски перформанси. Тоа се процесори означени како Skylake, Tiger Lake и Ice Lake, додека процесорите со ознака Alder Lake, Raptor Lake и Sapphire Lake се безбедни.
Оние корисници кои проценуваат дека перформансите им се поважни од безбедноста, вели Интел, можат да ја деактивираат закрпата или да не ја инсталираат. Но на ваш сопствен ризик.
Како Могими го откри Downfall и што друго прави, можете да видите во интервјуто објавено на веб-страницата на Интел.