Гласините за претстојните модели на iPhone кружат веќе некое време, а како што се наближува почетокот на септември и датумот на премиера, добиваме се повеќе проверени информации кои откриваат што можеме да очекуваме од новите телефони.
Сега се чини дека добивме потврда за една од тие гласини, имено дека Apple ќе го отстрани прекинувачот за намалување на звукот.
Овој прекинувач или „Ring/Silent Switch“, како што официјално го нарекува Apple, е на iPhone телефоните од самиот почеток, а неговата функција е да им овозможи на корисниците брзо вклучување или исклучување на звукот. Сепак, гигантот од Купертино изгледа навистина решил да промени нешто на левата страна на своите телефони после 16 години, а сега пристигна и доказот дека ќе биде заменет со ново копче.
Новото копче наводно ќе им овозможи на корисниците да го програмираат, односно сами да одлучат што ќе се случи кога ќе го притиснат. Во најновата бета верзија на оперативниот систем iOS 17, пронајден е код кој ја открива функционалноста на ова копче и девет различни опции кои ќе им бидат достапни на корисниците:
-Accessibility – активирање на различни функции за пристапност
-Shortcuts – брзо стартување на однапред програмирани кратенки од Shortcuts апликацијата
-Silent mode – исклучување на звукот со еден клик
-Camera – брзо стартување на апликација за камера
-Flashlight – вклучување на блицот
-Focus – активирање на режимот Focus
-Magnifier – зумирање на екранот
-Translate – брзо стартување на апликација за превод
-Voice Memos – снимање на звук
Со ова копче Apple нема да измисли топла вода. Со текот на годините веќе имавме можност да видиме слични решенија на различни паметни телефони со Android, но секако мислиме дека имплементацијата на ова копче е многу корисно решение.