Социјалната мрежа Threads додаде опција која корисниците ја посакуваат откако услугата беше лансирана на почетокот на овој месец.
Новиот таб „Following“ за апликациите за iOS и Android на Threads нуди хронолошки преглед на објавите само на оние луѓе што ги следите. Така, повеќе нема да треба да губите време да се прелистувате низ навидум случајни објави на луѓе кои не ви се премногу интересни.
Пристапот до Following feed е возможен со избирање на почетната икона на дното на екранот или на логото Threads на врвот.
Ако Following табот не се појави, ажурирајте ги Threads на најновата верзија на вашиот уред. Ако сè уште не се појави, бидете трпеливи бидејќи Марк Цукерберг вели дека Threads почна да ја шири функцијата на корисниците.
Threads, по објавувањето на почетокот на јули, беше прилично основна апликација со основни карактеристики. Сепак, програмерите на Instagram, кои ја создадоа апликацијата, сè повеќе имплементираат нови ажурирања и функции.