На Twitter веќе можеме да видиме како ќе изгледа новата опција на телефоните на Realme.

Со најновата генерација на iPhone, Apple конечно воведе неочекувана иновација во своите телефони од серијата Pro. Станува збор за опција Dynamic Island која ги комбинира хардверот и софтверот на одличен начин, така што хардверскиот дел, каде што се наоѓаат камерата и сензорите, може виртуелно да се прошири со прикажување на различни интересни информации.

Со оглед на тоа што оваа опција привлече големо внимание, како и пофалби од корисниците, јасно беше дека и други производители на телефони можат да претстават нешто слично. Една од нив, компанијата Realme (тоа е подбренд на кинеската компанија Oppo), веќе неколку недели по претставувањето на моделот iPhone со Dynamic Island најави дека може да ја копира таа опција.

Изгледа дека нема да мора долго да чекаме за таа нивна копија, бидејќи Махав Шет од Realme објави фотографија на Твитер од телефонот од серијата C што доаѓа со опција што тој ја нарече Mini-Capsule. Иако неговата објава беше брзо отстранета од Твитер, истата анимација беше објавена на профилот од познат инсајдер од мобилната индустрија, кој на социјалната мрежа е познат како @OnLeaks.

Анимацијата што можете да ја видите во прилог покажува екран со камера поставена во дупка на екранот што може да се прошири во виртуелна мала капсула што го покажува процентот на полнење на батеријата.

Приказот за полнење на батеријата е само една од многуте можности за кои може да се користи оваа опција. На пр. како и во случајот со iPhone, може да се појават инструкции за мапи и навигација, контроли за управување со музика и слично.

А како другите компании би можеле да ја користат оваа опција најдобро може да се види на примерот на Uber. Оваа компанија ја надгради својата апликација за iPhone, така што времето на пристигнување на такси се прикажува внатре во Dynamic Island.

Како ќе изгледа Mini-Capsule, односно што можеме да очекуваме од новиот телефон Realme, кој ќе ја има оваа опција, ќе дознаеме наскоро.