Неодамна пристигна новото ажурирање на WhatsApp за корисниците на Android, а со тоа и некои подобрувања.
Најновата надградба на Android за WhatsApp е верзијата 2.23.3.77 и доаѓа со голем број нови функции и подобрувања. Во последниве месеци, компанијата прави напори да ги направи новите функции достапни за корисниците ширум светот.
Корисниците сега ќе можат да додаваат натписи (captions) на фотографиите и документите што ги испраќаат.
Дополнително, има поддршка за подолги описи и теми на групи, за подобро опишување на групите, а корисниците можат да додадат до 100 фотографии и видеа (претходно можеа да се додадат до 30).
Една од поинтересните промени е додавањето на Meta Avatar. Корисниците можат да користат Аватар и да го персонализираат, а потоа може да се користи за налепници и профилни фотографии. До оваа функција може да се пристапи со одење до Settings >> Avatar >> Get started.
Ажурирањето вклучува и бројни поправени грешки, подобрувања во перформансите и понепречено корисничко искуство.
Иако најновата надградба на WhatsApp моментално е достапна само за корисниците на Android, се очекува наскоро да биде достапна и за корисниците на iOS.