Со објавувањето на Android 13, Google имплементира една важна иновација – зголемување на минималните барања за меморија (RAM).
Така, наместо еден гигабајт, корисниците кои сакаат да ги користат сите предности на Android 13 сега мора да имаат телефон со најмалку 2 GB работна меморија.
Дополнително, уредите мора да имаат простор за складирање на податоци од минимум 16 GB, за да може на нив да се инсталира најновата верзија на оперативниот систем.
Сите уреди кои имаат помалку од 2 GB RAM и 16 GB простор за складирање, автоматски ќе ја одбијат опцијата за надградба на Android 13.
Најпогоден од оваа одлука е Android Go, кој е намалена верзија на Android платформата, наменета за послабите уреди и пазарите во развој.
Ваквите промени не се изненадување и Google ги спроведува на секои неколку години. Така, во текот на 2018, 2019 и 2020 година, минималните спецификации беа 512 MB RAM, а во текот на 2021 и 2022 година, беше 1 GB.
Како што напредува технологијата и се менува пазарот на ИТ, сè води до промени во минималните критериуми и барања за водење на секоја следна верзија на Android.