Функцијата, која Твитер ја исклучи, им овозможуваше на корисниците да создадат организирана колекција на твитови.
Твитер одлучи ефикасно да ја исклучи функцијата „Moments“, која првично беше лансирана во 2015 година. Функцијата им овозможи на корисниците да создадат организирана колекција на твитови, со цел да се овозможи полесно следење на тековните настани на платформата.
Not all moments last. As of today we’re removing the option to create Moments for most users as we focus on improving other experiences.
Don’t worry, you can still see past Moments and follow Live events on Twitter.
— Twitter Support (@TwitterSupport) December 7, 2022
„Не траат сите моменти. Почнувајќи од денес, ја отстрануваме опцијата за креирање Moments за корисниците и се фокусираме на подобрување на другите искуства“, гласи твитот објавен од сметката за поддршка на Twitter. Претходно креираната содржина на Moments ќе остане на Твитер.
Крајот на Twitter Moments не е изненадување поради неколку причини. Уште пред Илон Маск да ја купи компанијата, Twitter полека ја исклучуваше функцијата. Во текот на 2018 година, беше отстранета можноста за креирање содржини на Moments на уредите со Android и iOS.
По преземањето на Твитер од Маск, веројатно беше идентификувано дека Moments не е карактеристика што се совпаѓа со визијата на Маск за платформата.