Компанијата Google се согласи да и плати на Аризона 85 милиони долари за да ја реши тужбата од 2020 година.
Според тужбата, Google незаконски ги следел корисниците на Андроид, а главниот обвинител Марк Брнович рече дека компанијата продолжила да следи за насочено рекламирање дури и откако корисниците ги исклучиле податоците за локацијата.
Ако ова ви звучи познато, тоа е затоа што Google е тужен во Тексас, Вашингтон и Индијана.
Со оглед на тоа дека Google има квартални приходи од над 69 милијарди долари, казната изгледа незначителна. Исто така, таа е многу мала во споредба со казната што ја изрече Европската унија.
Портпаролот на Google, Хозе Кастанеда, рече дека тужбата е поврзана со постарите правила кои се променети.
„Ние обезбедуваме директна контрола и опции за автоматско бришење на податоците за локацијата, а исто така секогаш работиме на собирање што е можно помалку податоци. Задоволни сме што го решивме ова прашање и ќе продолжиме да се фокусираме на обезбедување корисни производи за нашите корисници“, рече Кастанеда. .
Брнович рече дека е горд на „историската нагодба“ која докажува дека ниту големите компании не се над законот.