Корисниците ќе можат да изберат дали да гледаат повеќе или помалку објави од пријателите и семејството, како и групи и страници.
На Facebook не му оди најдобро во последно време, па компанијата одлучи да затвори некои апликации кои не се толку популарни и се фокусира на нејзините главни услуги.
Така, социјалната мрежа одлучи да го ажурира својот примарен Facebook Feed, за да им овозможи на корисниците да гледаат повеќе или помалку објави од пријатели, групи или страници.
Ова, за возврат, ќе овозможи повратните информации од корисниците да се имплементираат во рангирањето на feed-от, со што вештачката интелигенција на Facebook ќе биде попаметна и поодговорна.
Во моментов, апликацијата Facebook ви дозволува само да ги скриете објавите од луѓето што корисникот ги следи или објавите што се препорачани. По промените, новата поставка ќе овозможи опции „show more“ или „show less“ за некои содржини.
На овој начин, покрај подобрувањето на содржината на feed-от на корисникот, ќе се подобри и AI системот што се користи за рангирање на Feed.
Покрај горенаведеното, Facebook тестира и глобално мени за прилагодување на бројот на објави што ги гледа корисникот, а кои доаѓаат од пријателите и семејството, односно групи и страници. За таа содржина ќе може да се изберат опциите: „Normal“, „Show more“ или „Show less“.