Бројни корисници, пред се гејмери, со нетрпение го очекуваат објавувањето на најновите Nvidia графички картички од серијата 4000.
Веќе се појавија гласини за новите GPU модели и нивните можности, а благодарение на дојавувачот @Kopite7Kimi сега имаме интересни бројки и рекордни.
Според извештаите, Nvidia RTX 4090 ќе има 16384 CUDA јадра, што е големо зголемување во споредба со 10496 CUDA јадра на моделот RTX 3090. Сепак, она што навистина се истакнува се брзините на часовникот на новиот графички процесор.
RTX 4090 се предлага да има основен работен такт од 2235 MHz и буст такт од 2520 MHz. Тоа значи дека, со добро ладење, брзината на овие графички картички би можела да достигне до 2800 MHz, што е одлична вест за корисниците.
Подобрувањата ќе стигнат и до послабите модели од серијата 4000, како што се Nvidia RTX 4080 и RTX 4070, а овие графички процесори ќе имаат и голем број CUDA јадра.
Ова се сè уште непотврдени спецификации, па споменатата информација треба да се земе со резерва. Сепак, нема сомнеж дека Nvidia подготвува исклучителни графички картички, за кои ќе биде потребно многу способно напојување.