Илон Маск објави на Твитер дека правниот тим на Твитер го обвинил за кршење на Договорот за доверливост (NDA), откривајќи дека големината на примерокот за проверка на автоматизираните корисници на платформата за социјалните медиуми е 100.

„Правниот тим на Твитер штотуку се јави за да се пожали дека сум ја прекршил нивната NDA, откривајќи дека големината на проверката на примерокот на ботови е 100!“, напиша на Твитер Маск, најбогатиот човек во светот и шеф на Tesla и SpaceX.

Уште во петокот, Маск на Твитер објави дека неговиот договор за готовина од 44 милијарди долари за купување на Твитер е привремено стопиран додека чекал информации за тоа дали лажните профили навистина претставуваат помалку од пет проценти од корисниците на таа социјална мрежа.

Тој рече дека неговиот тим ќе тестира „случаен примерок од 100 корисници“ на Твитер за да идентификува ботови. Неговиот одговор на тоа прашање предизвика обвинувања од правниот тим на Твитер.

Избрав 100 корисници како број на примерок затоа што тоа е она што Твитер го користи за да пресмета <5% фалсификати / спам / дупликати, одговори Маск на барањето на корисник на Твитер да изработи процес на филтрирање на бот сметки. Маск во раните утрински часови во неделата на Твитер напиша дека сè уште не видел никаква анализа што покажува дека Твитер има помалку од пет проценти лажни кориснички сметки. Подоцна рече дека постои шанса тоа да биде над 90 проценти од дневните активни корисници.