Едно од поголемите прашања, кое се поставува откако Илон Маск го купи Твитер, е како услугата би можела да се промени под негово водство.
Сега, Њујорк Тајмс наводно дошол до документацијата за предлогот на Маск за инвеститори, која нуди некои детали од визијата што ја има новиот сопственик кога е во прашање социјалната мрежа.
За почеток, Маск сака да го прошири бројот на месечни активни корисници на Твитер, кој сега изнесува околу 217 милиони, на речиси 600 милиони во 2025 година и на 931 милион до 2028 година. Тоа е повеќе од четири пати повеќе од бројот на месечни корисници во текот на следните шест години.
Тој, исто така, сака услугата да има 104 милиони претплатници, за услугата означена со „Х“. Не е познато што значи „Х“ и кој производ би можел да биде, иако Маск криптички навести искуство на Твитер што се плаќа и ќе биде без реклами.
Покрај тоа, Маск предложи неколку идеи за зголемување на заработката на Твитер, како и начини на кои мрежата може да го постигне тоа. Еден од нив е зголемувањето на бројот на корисници кои одлучуваат да се претплатат. 59 милиони корисници на Twitter Blue се предвидени до 2025 година и 159 милиони до 2028 година.
Не е познато како Маск има намера да ги постигне сите наведени цели, а познато е само дека новиот сопственик очекува големи работи од мрежата откако ќе биде официјализирано преземањето.