Група креатори и колекционери на NFT наскоро ќе имаат можност да ги прикажат своите незаменливи токени на Инстаграм.
Марк Цукерберг, извршен директор на Мета, потврди дека компанијата тестира NFT на својата платформа, а слична функција наскоро ќе биде достапна и за Фејсбук.
Шефот на Инстаграм Адам Мосери додаде дека помала група корисници од САД ќе имаат можност да прикажуваат NFT на нивните фидови, приказни и пораки.
NFTs on Instagram ?
This week we’re beginning to test digital collectibles with a handful of US creators and collectors who will be able to share NFTs on Instagram. There will be no fees associated with posting or sharing a digital collectible on IG.
See you next week! ✌? pic.twitter.com/VuJbMVSBDr
— Adam Mosseri (@mosseri) May 9, 2022
Деталите за NFT се прикажуваат на сличен начин во означените профили и производи и се нарекуваат „дигитални колекционерски предмети“. Со кликнување на ознаката ќе се прикажат детали, како што се името на создавачот и сопственикот.
Мосери истакнува дека тестот е помал, за да може Инстаграм да учи и да собира повратни информации од заедницата.
Првично, поддршката ќе биде понудена за NFT базирани на блокчејнови Ethereum и Polygon, додека Solana и Flow ќе бидат додадени подоцна.
Се наведува дека поддршката за NFT на Инстаграм може да помогне да се доближи технологијата до поширок круг на луѓе.