Epic Games разви апликација наречена RealityCapture, која може да ги претвори фотографиите во 3D модели.
На апликацијата Reality Capture работи компанијата Capturing Reality, која Epic Games ја купи минатата година. Апликацијата е фотограметриски софтвер кој може ласерското скенирање или фотографии брзо да ги претвори во 3D модели. Во Epic Games се надеваат дека апликацијата RealityScan ќе им понуди на корисниците пристап до истата технологија преку нивните мобилни телефони.
На овој начин, креативците ќе можат во секое време да скенираат објекти од реалниот свет и да ги користат во своите проекти. Откако корисникот ќе се најави на својот профил на Epic Games, апликацијата ќе побара од него да направи најмалку 20 фотографии од одреден објект. Тие исто така ќе можат да го задржат прстот на копчето за фотографирање додека се движат околу објектот, а откако апликацијата ќе ги обработи фотографиите и ќе ги претвори во 3D објект користејќи ги серверите RealityCapture, тие ќе можат да ги експортираат во Sketchfab, 3D платформа која Epic исто така ја купи во 2021 година.
После тоа, 3D креациите ќе можат да се продаваат на други креативци или да се користат за свои 3D, VR и AR проекти. Споменатата апликација би можела да биде особено корисна за развивачите на игри доколку им треба одреден објект за виртуелна средина.
Epic веќе ја тестира апликацијата во ограничена група корисници на уредите на Apple со iOS пред да следи поширок и ран пристап за корисниците на iPhone оваа пролет. Верзијата RealityScan за уредите со Android пристигнува подоцна оваа година.