Европската унија покрена истрага за да утврди дали Facebook и Google ги кршат прописите за рамноправниот натпревар на пазарот на услуги на интернет рекламирањето.
Истрагата ќе се фокусира на Jedi Blue, договор од 2018 година меѓу Facebook и Google кој може да ја ограничи конкуренцијата од програмата за отворено наддавање на Google на пазарот за дигитално рекламирање, на штета на издавачите и потрошувачите.
Google ја користи програмата Отворено наддавање за да организира аукции за залихи кои на издавачите им гарантираат највисока можна цена. Meta, од друга страна, прикажува дигитални реклами и преку Meta Audience Networka ги застапува издавачите на аукции.
Google и Meta можеби ја таргетираа технологијата што ќе се натпреварува со отвореното наддавање на Google преку таканаречениот договор Jedi Blue, настојувајќи да го ослабат и исклучат од пазарот за реклами на веб-страниците и апликациите на издавачите“, рече еврокомесарката Маргрете Вестагер.
Британскиот регулатор исто така го истражува Jedi Blue и Комисијата соопшти дека има намера тесно да соработува со британските колеги.