The Freestyle е првиот проектор кој прикажува содржина во компактно издание, а главните карактеристики за квалитетот на приказот вклучуваат автоматско ниво, автоматско фокусирање и автоматскa тастатура.

Компанијата Samsung Electronics на на Меѓународниот саем за технологија CES 2022, го претстави својот најнов уред The Freestyle, пренослив проектор за емитување содржини во движење. The Freestyle е првата форма на пренослив проектор во светот што носи супериорно искуство за гледање на омилена содржина и забава за корисниците кои сакаат да прикажуваат видео и аудио содржина без разлика каде се наоѓаат.

The Freestyle ги комбинира можностите не само на проекторот, туку и на паметниот звучник и амбиенталното осветлување во еден лесно пренослив уред. The Freestye тежи само 830 грама, а за разлика од конвенционалните проектори, неговиот држач овозможува ротација до 180 степени, овозможувајќи им на корисниците преглед на висококвалитетни видео содржини насекаде – на маси, подови, ѕидови или дури и на таван.

„The Freestyle е уникатен проектор чија главна задача е да биде разновиден и флексибилен за да ги задоволи сите потреби на корисниците и нивниот брз начин на живот кој се менува. Бидејќи ги елиминира сите ограничувања на просторот, The Freestyle е забавен и практичен уред што може да се користи според личните преференци на корисниците“, рече Сајмон Сунг, извршен потпретседател и раководител на одделот за продажба и маркетинг во Samsung Electronics.

Најновиот проектор The Freestyle доаѓа со голем број карактеристики за квалитет на репродукција, како што се автоматско изедначување (auto-keystone) и израмнување (auto-level), кои ги предизвикуваат водечките технологии во индустријата. Овие карактеристики му овозможуваат на уредот автоматски да го приспособува својот екран на која било површина, под кој било агол за совршено пропорционално прикажување. Функцијата за автоматско фокусирање (auto-focus) обезбедува кристално чисто прикажување на сите површини и под сите агли со големина до 100 инчи.The Freestyle носи двоен пасивен радијатор кој обезбедува јасен и подлабок бас без изобличување, како и ширење на звукот од 360 степени за висококвалитетно звучно искуство.

Што се однесува на напојувањето, The Freestyle е компатибилен со надворешни батерии кои поддржуваат USB-PD и излез од 50W / 20V или повеќе. Затоа, корисниците можат да го земат со себе и да го користат во движење, како на кампување. Исто така, The Freestyle е првиот пренослив дисплеј во светот што може да се поврзе со приклучок за светло без потреба од дополнителни кабли, покрај традиционалното поврзување со ѕиден штекер.

Кога се користи како проектор за прикажување содржина, The Freestyle може да се користи за создавање светлосни ефекти благодарение на амбиенталниот режим и проѕирниот капак на објективот. Покрај тоа, The Freestyle може да се користи како еден вид паметен звучник кој ја анализира музиката и според резултатите создава визуелни ефекти кои се проектираат.

The Freestyle, носи поддршка за опциите за паметни телевизори достапни на паметните телевизори на Samsung, вклучувајќи услуги за стриминг, mirroring и способности за стриминг компатибилни со паметните телефони со Android и iOS. Затоа The Freestyle е првиот проектор во светот кој е сертифициран од големите глобални OTT партнери за супериорно искуство при гледање содржина, а воедно е првиот проектор што носи гласовна контрола на долги растојанија со можност за избор на свој гласовен асистент.

Проекторот The Freestyle e претставен на саемот за технологија CES 2022, и ќе биде достапен на пазарот во средината на февруари.За повеќе информации, посетете ги news.samsung.com/global/ces-2022 и https://www.samsung.com/mk/