Во Кина е пронајден фосил од диносаурус стар 70 милиони години. Специфичен е по тоа што е склопчен во јајце.
Откривањето на фосилот на мал диносаурус совршено склопчен во јајце може да помогне во разбирањето на врската помеѓу диносаурусите и птиците.
„Коските од бебињата од диносаурус се мали и кревки, па ретко се фосилизираат – ова е навистина ретко. Тоа е неверојатен примерок. Работам на ова 25 години и не сум видела ништо слично“, рече Дарла Зеленицки, вонреден професор по геонаука при Универзитет во Калгари во канадската провинција Алберта.
Welcome 'Baby Yingliang'! An oviraptorosaur embryo lying inside an egg. This little dinosaur has a bird-like prehatching posture! In the team with @LidaXing1982, @SteveBrusatte and colleagues. Open access in @iScience_CP, https://t.co/6fM0UAuLui pic.twitter.com/GbS9UiO1iN
— Fion Ma (@FionMaWS) December 21, 2021
Таа додаде дека малку се знае за тоа што се случувало во јајцата на диносаурусите пред да се изведат токму затоа што има многу малку ембрионски скелети, особено оние кои се целосни и зачувани.
Јајцето е долго околу 17 сантиметри, а должината на диносаурусот, кој е склопчен во јајцето, се проценува на 27 сантиметри. Научниците веруваат дека целосната возрасна големина на овој диносаурус е од 2 до 3 метри.
Извор: Klix.ba