Некои апликации за пораки споделуваат повеќе кориснички податоци кога тоа ќе биде побарано.

Корисниците на телефони обично имаат голем број платформи за социјално вмрежување на кои се активни на дневна основа. Меѓу нив има специјални апликации кои се наменети само за пораки.

Додека овие апликации понекогаш може да содржат чувствителни информации што корисникот сака да ги задржи за себе, протечениот документ открива дека двете главни апликации за разговор – WhatsApp и iMessage – споделуваат големи количини на податоци со FBI.

Веста доаѓа од документот објавен од FBI (Федерално биро за истраги), кое ја претставува разузнавачката и безбедносната владина служба во САД. Документот откри дека WhatsApp на Facebook и iMessage на Apple и даваат најмногу информации на агенцијата. FBI исто така може легално да извлече информации од која било апликација за пораки.

Според документот, WhatsApp, iMessage и Line понудиле „ограничена“ содржина на пораки врз основа на барање од FBI.

Додека овие платформи доброволно понудија „некои“ податоци, апликациите како што се „Signal“, „Telegram“, „Threema“, „Viber“, „WeChat“ и „Wickr“ не открија никаква содржина од пораките.

Се разбира, споделените информации можеби не се безопасни. ФБИ може да добие информации од адресарот и од „цел“ и од контакт, доколку има налог за пребарување

Ситуацијата е покомплицирана за корисниците на iMessage. Ако корисниците на iMessage направат резервна копија на нивните пораки и разговори на iCloud, FBI има пристап до вистинската содржина на пораката, бидејќи Apple треба да го предаде клучот за шифрирање iCloud доколку има налог.

Извор: B92.net