Американскиот технолошки гигант веќе неколку години се обидува да ја намали зависноста од Qualcomm, што може да стане реалност веќе во 2023 година.
За да не се потпира повеќе на Qualcomm, Apple наводно ќе се здружи со TSMC (Taiwan Semiconductor Manufacturing Co.) за да ги произведе своите 5G модеми кои ќе се користат во идните модели на iPhone, дознава Nikkei.
Apple планира да го искористи процесот на производство на TSMC од 4 нанометри за масовно производство на својот прв 5G модем. Дополнително, ќе развие свои радиофреквентни и милиметарски компоненти за дополнување на модемот, а ќе користи и сопствен чип за контрола на напојувањето, кое исто така е во изработка, велат сигурни извори на Nikkei.
Бидејќи Qualcomm неодамна потврди дека во 2023. година ќе го намали уделот на нарачки за модеми на iPhone на околу 20 проценти, се очекува Apple да почне да користи свои модеми веќе истата година.
TSMC е логичен избор на партнер, бидејќи компанијата сè уште стои зад сите А и М1 процесори што Apple ги користи во своите уреди и има стотици инженери од Купертино кои работат на развој на нови чипови. Уште во јули, Nikkei објави дека Apple ќе го користи 4-нанометарскиот процес на производство за iPhone чипови веќе следната година, додека 3-нанометарската технологија ќе го види светлото на денот со новите модели на iPad.