Научниците од 27-от Научен центар на Министерството за одбрана на Русија направиле единствен биолошки активен додаток во исхраната „KovBAD“ кој може да ја намали концентрацијата на Ковид-19 кај болните за 16 пати, соопштил началникот на Силите за радијациска, хемиска и биолошка заштита, генерал-потполковник Игор Кирилов.
„По процената на ефикасноста против коронавирусот на почетокот на ноември еден од биолошки активните додатоци доби сертификат.
Експериментите кои ги спроведовме покажаа дека веќе од вториот ден по употребата на биолошки активниот додаток во исхраната „KovBAD“ количината на вирусот е двојно намалена, додека пак од шестиот ден неговата концентрација се намалува до 16 пати. Во состав со тоа, се намалува и влијанието на вирусот врз човечкиот организам, па болеста помалку се комплицира“, изјавил Кирилов.
Исто така тој додал дека основните состојки на биолошкиот активен додаток се екстракт од аронија, ехинацеа, фукоидан, хидролизат од пацифички лигњи и други супстанции со природно потекло кои ја зголемуваат антивирусната заштита на организмот.
Научниците од институцијата на Вооружените сили на Русија од почетокот на пандемијата работат на средствата за борба против вирусот.