Dell претстави неколку нови монитори, кои ги краси вградена pop-up камера, микрофон со функција за стивнување на позадинската врева и 5W звучници.
Моделот S2722DZ има 27-инчен WQHD LCD дисплеј за видео конференции, а достапен е во црна и бела боја. IPS панелот нуди агли на гледање од 178 степени, осветлување од 350 нита, 1000:1 контраст, поддршка за АMD FreeSync и одзив од 4ms. Од портовите се присутни HDMI x1, DisplayPort x1, USB Type-C x1, аудио излез x1 и USB3.2 Gen.1 x2.
Dell S2422HZ е 24-инчен LCD монитор, со AMD FreeSync поддршка, 250 cd/m² осветлување, 1000:1 контраст, 4ms одзив и агли на гледање од 178 степени. Овој модел има HDMI x1, DisplayPort x1, USB Type-C x1, аудио излез x1 и USB3.2 Gen.1 x2 конектори.
На крајот, моделот S3222HS го краси Full HD LCD дисплеј, со AMD FreeSync поддршка, 300 нита осветлување и 3000:1 контраст. Одзивот на мониторот е 4ms, а нуди репродукција од 16,7 милиони бои. Од портовите се присутни конекторите кои се набројани и кај претходните два модела.