Софтверскиот пакет на Microsoft ќе добие ажурирање на 5 октомври, со пристигнувањето на Windows 11. Овој пакет ќе ги вклучува и Office Home и Student 2021 и Office Home and Business 2021.
Office Home and Student, кој ги отклучува апликациите Word, Excel, PowerPoint, OneNote и Microsoft Teams, ќе има цена од 150 долари. Office Home and Business во пакетот го додаваат и Outlook и можност за користење на апликации во комерцијални цели, со цена од 250 долари.
Оваа година, некои дополнителни алатки од претплатата на Microsoft 365 пристигнуваат во Office. Постојат карактеристики за соработка како коавторство и можност за испраќање автоматски ажурирања кога се обработуваат фајлови. Многу од апликациите добиваат и нов изглед. Програмите кои добиваат дигитален редизајн се Word, Excel, PowerPoint, OneNote, Outlook, Access, Project, Publisher и Visio.
Microsoft 365 и Office пакетите ќе го добијат Teams, апликација за видео разговори на компанијата. Windows 11 веќе го вклучува Teams, а апликацијата сега пристигнува и на Windows 10 и macOS платформите.
Microsoft 365 има годишна претплата од 70 долари, со Family план за шест лица по цена од 100 долари. Пакетот ги вклучува PC, Mac и мобилните верзии на Word, Excel, PowerPoint, OneNote, Outlook, OneDrive, Microsoft Editor и Microsoft Family Safety програмите, плус Access и Publisher за PC.