Исто како што најави на презентацијата на серијата iPhone 15, Apple ја испорача најновата надградба на iOS 17 на сите поддржани iPhone-и.

Откако беше во бета верзија цело лето, iOS 17 конечно беше испорачан во стабилно издание на поддржаните iPhone-и.

Предуслов за надградбата на iOS 17 е уредите да користат Apple A12 Bionic чип или понов. Значи, iOS 17, за жал, нема да доаѓа кај iPhone 8, iPhone 8 Plus и iPhone X. Постарите паметни телефони подобни за надградба на iOS 17 вклучуваат iPhone XR, iPhone XS, iPhone XS Max и втората генерација на iPhone SE.

Списокот на iPhone-и кои го добија ажурирањето на iOS 17 изгледа вака:

Новата верзија на оперативниот систем со себе носи многу нови функции, вклучувајќи Check In, NameDrop, Contact Posters итн. Check In е нова безбедносна карактеристика која ќе им помогне на семејствата при нивните патувања. NameDrop е нова функција што ја користите кога сакате да споделите информации за контакт со некого. Contact Posters е нов приспособлив екран за повици, кој ви овозможува да менувате различни визуелни компоненти за време на дојдовен повик.

Дополнително, Apple Maps конечно добива поддршка за офлајн мапи. SharePlay сега може да споделува пренос на два уреди во исто време. Safari носи уште поголема заштита за приватно прелистување.

Наместо претходната „Hey Siri“, корисниците можат само да кажат „Siri“ и таа ќе се појави. Апликацијата Health има нов сет на функции за ментално здравје, а Apple Music воведува плејлисти за соработка во кои можете да уживате со вашите пријатели.

SharePlay сега може да споделува стрим на два уреди во исто време.