Иако се очекуваше Rockstar Games да ја објави својата најпопуларна игра GTA V за PlayStation 5 и Xbox Series X/S до ноември 2021 година, фановите на популарниот серијал сепак ќе треба да почекаат до март 2022 година.
И покрај фактот дека љубителите на серијалот GTA V на 9 септември можеа да видат како ќе изгледа PS5 верзијата на најпродаваната игра, ќе треба да почекаат уште некое време за нејзиното официјално излегување.
„Иако сме екстремно возбудени што GTA V ќе пристигне и на најновите генерации конзоли, на играта ѝ требаат уште неколку месеци за да се исполира и фино да се подеси“, објаснуваат од Rockstar Games.
Како што објаснија од компанијата, GTA V на новите генерации конзоли треба да има подобрена игра, повеќе експлозивни акции и уште неколку детали кои не ја карактеризираа играта на претходните платформи.
Со оглед на тоа што GTA V доживува еднаква популарност во онлајн изданието, Rockstar Games објави дека GTA V Online исто така ќе биде вклучен на новите платформи PlayStation 5 и Xbox Series X/S.
GTA V за првпат беше лансирана за PlayStation 3 и Xbox 360 во 2013 година и оттогаш играта е продадена во над 150 милиони копии.
Извор: Klix.ba