Logitech претстави нови безжични, но и слушалки со кабел, со некои единствени функции, а наменети за се бизнис и професионалните корисници.
Главниот производ се Zone True Wireless Earbuds, за кои Logitech тврди дека се први слушалки сертификувани од трите најголеми платформи за видео конференции: Zoom, Google Meet и Microsoft Teams. Уште една единствена функција е и поддршката за безжичниот USB приемник на Logitech, а тука е и Bluetooth поддршката. Тоа значи сека ќе работи речиси со секој телефон или PC, а ќе овозможи и лесно префрлање меѓу уредите.
Безжичните слушалки пристигнуваат со ANC (активно поништување на бучавата) и микрофон кој ги стивнува позадинските звуци. Zone True Wireless Earbuds слушалките ги карактеризира стилизиран изглед, а Logitech ветува и двојно подолг работен век на батеријата во однос на водечките потрошувачки уреди.
Со споменатиот модел, Logitech ги претстави и Zone Wired Earbuds, за преофесионалци и тимови кои сакаат професионална plug-and-play опција. Со мобилниот уред или компјутерот се поврзуваат преку USB-C, USB-A и 3.5mm конектор.
Zone True Wireless Earbuds ќе бидат достапни по цена од 299 долари, додека Zone Wired Earbuds ќе имаат цена од 99 долари. Глобално ќе се најдат во продажба од есен.