Линијата на HP гејминг монитори од овој месец добива нов член. Во прашање е моделот HP X34, кој го краси ултраширок IPS панел, со 1 мс одзив и 165Hz стапка на освежување.

HP X34 има 34-инчен IPS панел со 3440 x 1440p резолуција, нуди 1ms G2G одзив, 1000:1 контраст, осветлување до 400 нита, 8-битна длабочина на бои со покриеност од 99% за sRGB палетата и споменатото освежување на екранот од 165Hz.

Благодарение на AMD FreeSync Premium, HP X34 може да понуди гејминг искуство без цепење на екранот. Покрај тоа, присутен е HP Eye Ease with TÜV Eyesafe сертификат, кој нуди flicker-free технологија и намалено емитување на сина светлина. Тука е и Gaming Console компатибилноста, овозможувајќи PlayStation 5 и Xbox Series X|S гејмерите да играат во 1080p ili 1440p и 120Hz за поддржаните игри.

На задната страна на мониторот се наоѓа HDMI 2.0 порт, DisplayPort 1.4 и 3.5mm приклучок. Присутна е и 100×100 VESA поддршка за монтирање. HP X34 е компатибилен со Omen Gaming Hub.