Apple го лансираше iOS 14.6 за сите компатибилни уреди, а иако не се работи за голем апдејт, сепак донесува значајни нови можности.
Можеби најмногу внимание привлекува новата Apple Podcast Subscriptions претплата, која овозможува пристап до платените претплати за специфичните подкасти, отклучува различни опции како што е слушање без реклами, пристап до ексклузивни содржини и ран пристап до содржините.
Низа компании веќе имаат услуга за претплата, вклучувајќи ги NPR, Los Angeles Times, Tenderfoot TV, Sony Music Entertainment, а се очекуваат и многу други.
Новитет е и Apple Card Family кој овозможува две лица да ја делат Apple Card, а родителите можат да ја делат својата картичка со децата, со лимити на трошење и родителска контрола. Оваа можност моментно е достапна само во САД.
Покрај тоа, Lost Mode опцијата во Find My апликацијата му овозможува на корисникот да го остави бројот на телефон покрај мејл адресата на која може да биде контактиран, доколку некој го најде уредот, а гласовната контрола овозможува отклучување на iPhone преку гласот, по рестартирањето на уредот.
Ажурирањето донесува и решенија за 43 сигурносни проблеми, така што е вредно за преземање. Доколку надградбата не биде автоматски понудена, можно е да се преземе преку Settings-General-Software update.