Синтетички клетки кои настанале со комбинирање на компоненти од бактеријата микоплазма со хемиски синтетизиран геном растат и се делат во келии со сличен облик и големина, токму како што тоа го прават бактериските клетки.

Биотехнологот Крег Вентер и неговите колеги од Институтот „Џ. Крег Вентер“ во Сан Диего во 2016 година објавија дека создадоа синтетички „минимални“ клетки. Геномот во секоја од клетките содржел само 473 гени за кои се смета дека се клучни за живот. Тие келии наречени JCVI-syn3.0 i можат да растат и да се делат на агар (хранлива подлога) и да створат колонии.

Проблеми со делбата

Но, кога поподробно ги анализирале вештачките клетки, Вентер и неговите колеги забележале дека не се делат еднакво и рамномерно и дека не создаваат идентични „клетки потомци“ како што тоа го прават повеќето бактерии од природата. Место тоа, произведувале потомци со бизарни облици и големини, пишува „Нов научник“.

„Келиите JCVI-syn3.0 ги исфрлија сите делови од геномот за кои мислеа дека не се битни за раст., Но нивната идеја за она што е неопходно за раст одела во корист на создавање убави колонии кои растат на хранлива подлога, а не на создавање келии кои се делат на еднаков начин“, рече молекуларниот биолог Елизабет Стричалски од американскиот Национален институт за технологија.

Воведени нови гени

Стричалски и нејзините колеги, поради тоа, вовеле нови гени, а потоа следеле како тие делуваат на растот на келиите под микроскоп. Евидентирани се седум гени кои влијаеле на тоа келиите да се делат еднакво.

Кога тие гени ги додале на JCVI-syn3.0, воочиле дека сега тие имаат воедначена делба и раст.

„Минимална клетка има многу гени чии функции се непознати. Иако не знаеме што точно прават, тие се неопходни за клетката да живее. Главно, ова е многу возбудливо подрачје за идни истражувања“, смета Стручалски.

„Ова истражување е неверојатно важно за разбирање на кој начин функционира животот и кои гени се потребни за да функционира управувањето со клетките“, вели биотехнологот Дру Енди од Универзитетот Стенфорд.

Изтражувањето под наслов „Genetic requirements for cell division in a genomically minimal cell“ објавено е во магазинот „Клетка“.