Надградбата на Windows 10 планирана за втората половина од оваа година, ќе имплементира некои визуелни измени во оперативниот систем и го носи кодното име Sun Valley. Голем број Windows 10 Insider Preview build-ови ќе ги покажуваат овие промени.
Компанијата сега го објави Windows 10 Insider Preview build 21343, кој има една поголема нова функција. Во прашање се нови икони за File Explorer апликацијата. Се очекуваат поголеми измени на дизајнот, вклучувајќи ги познатите фолдери, па дури и Recycle Bin.
Иако Microsoft конкретно не го спомена во својата објава, се верува дека ова нема да биде конечен изглед за сите икони, а сето ова ќе биде засновано на повратни информации на оние кои ги тестираат build верзиите.
Новиот build донесува и некои помали ажурирања. Windows Administrative Tools фолдерот сега го носи името Windows Tools, додека Get Help линкот во touch тастатурата сега ја има ознаката Learn more.