Samsung Galaxy M02 објавен со 6.5-инчен екран и 5000mAh батерија

Samsung минатиот месец го претстави Galaxy M02s, а сега пристигнува поевтина варијанта во вид на Galaxy M02 моделот .

Добивај вести на вибер

Galaxy M02 користи 6,5-инчен Infinity-V дисплеј со HD+ резолуција, а на екранот има засек во форма на капка со селфи камера од 5MP.

Задниот дел на уредот има текстурна завршница, а одзади се сместени две камери во вертикална положба. Постои 13MP главна камера, како и макро сензор од 2MP, под кој е сместен LED блиц.

Телефонот се напојува со MediaTek MT6739W SoC, во комбинација со 2 GB или 3 GB RAM меморија. Достапни се 32GB простор за складирање, проширлив до 1TB преку слотот за microSD картички. Оперативниот систем е Android 10 со One UI.

Galaxy M02 има дебелина од 9,1 милиметри, тежок е 206 грама, а го напојува батерија од 5000mAh, која се полни преку microUSB порт.

Samsung Galaxy M02 е достапен во црна, сива, сина и црвена боја, а цената за 2GB/32GB моделот изнесува под 100 долари. Цената на моделот со 3GB/32GB не е позната.