HTC работи на објава на Wildfire E3 телефонот, кој е забележан на Google Play Console листингот. Некои карактеристики на уредот се познати, а има и фотографија што ни дава увид во дизајнот на смартфонот.
Wildfire E3 ќе биде буџетски телефон. Доаѓа со HD+ екран, резолуција 1600 x 720p и засек за предната камера. Фотографијата покажува дека дисплејот ќе биде опкружен со нешто подебели рамки.
Телефонот ќе го покренува MediaTek MT6762d чипсет, а ова е кодното име за MediaTek Helio P22 чипсетот, што може да се најде во буџетските уреди. Во комбинација со чипсетот доаѓа и 3GB RAM меморија. За софтверска поддршка ќе биде задолжен Android 10
Други детали за HTC Wildfire E3 телефонот сè уште нема, а уредот се очекува наскоро да биде претставен.