Google ја блокираше апликацијата Parler затоа што дозволила дистрибуција на „екстремно лоши содржини“ што може да предизвика смртоносно насилство како што беше видено на Капитол.
„Свесни сме за континуираното објавување во апликацијата Parler, која се обидува да поттикне континуирано насилство во САД“, соопшти Google.
И Apple се закани дека ќе ја отстрани социјалната мрежа Parler од својата App Store продавница, доколку наскоро не ја промени својата политика за ублажување на содржината.
Parler е социјална мрежа, на која многумина кои го поддржуваат американскиот претседател Доналд Трамп се префрлија, откако нивните профили на другиte социјални мрежи, како што е Twitter, беа суспендирани како дел од политиките за ублажување на содржината, изјави извршниот директор на Parler, Џон Матце.
Во писмо испратено до Parler од тимот за преглед на Apple App Store се наведуваат примери во кои социјалната мрежа била искористена за планирање на заминувањето на демонстрантите кон Вашингтон со оружје по упадот во зградата на американскиот Конгрес.