Samsung претходно испорача стабилно One UI 3.0 ажурирање, засновано на Android 11, за Galaxy Note20 и S20 линиите телефони, а сега вниманието го насочува и на подостапните модели. Најновиот модел што го добива ажурирањето е Galaxy S10 Lite.
One UI 3.0 ажурирањето за Samsung Galaxy S10 Lite ја носи ознаката на фирмверот G770FXXU3DTL1 и „тешко“ е околу 2GB. Новиот build на ажурирање имплементира и Android сигурносна закрпа за 1. декември, 2020. година, има редизајниран UI и нови функции.
Тука се достапни повеќе детали за тоа што го донесува One UI 3.0 ажурирањето, а следењето на достапноста на надградбата на софтверот е можно со одење во Settings > Software update менито на Galaxy S10 Lite телефонот.