Flipkart на пазарот на Индија го објави Nokia Purebook X14 лаптопот. Уредот го покренува Intel Core i5 10210U процесор, со UHD 620 интегрирана графичка карта. Лаптопот има куќиште од легура на магнезиум и тежок е само 1,1 кг.
Purebook X14 има 14-инчен IPS LCD екран со 1920 x 1080p резолуција, а тука е и HD IR веб камера со Windows Hello опцијата за препознавање на лицето. Осветлената тастатура пристигнува со опција за прилагодливо осветлување. Достапни се 8GB DDR4 RAM и 512GB NVMe SSD како стандардна опција.
I/O хабот се состои од два USB 3.1 порта, еден USB 2.0 и еден USB 3.1 Type-C порт. Присутен е и Ethernet порт, слот за слушалки/микрофон, HDMI со целосна големина и приклучок за полнење. Уредот го напојува 46.7 WHr батерија, која со едно полнење нуди автономија од осум часа. За софтверската поддршка е задолжен Windows 10 Home Plus.
Nokia Purebook X14 лаптопот ќе се најде во продажба од 18. декември, по почетна цена од околу 815 долари.