Adobe го објави Lightroom како нативна апликација на M1 заснованите Mac компјутери и Windows 10 na ARM (WOA).
Најновата верзија на Adobe Lightroom сега е стандардна апликација за Apple M1 и Windows ARM платформите – Lightroom е обновен за да бидат искористени најновите предности на ефикасноста на потрошувачката на енергија на процесорите Apple M1 и Qualcomm Snapdragon (за Windows 10). Доаѓањето на Adobe Lightroom на M1 Mac и WOA следува по минатомесечното издание на Photoshop Beta на овие платформи.
Adobe напоменува дека ќе продолжи да оптимизира за WOA и M1 во следните изданија и дека планира да продолжи да вложува и да го подобрува Lightroom на системите засновани на Intel. Со ова издание, Lightroom сега е достапен на сите главни десктоп (Mac, Win, Intel, ARM), мобилни (iOS, Android) и веб (lightroom.adobe.com) платформи.