Претходно веќе имавме прилика да слушнеме вести за претстојната Huawei Nova 8 серија телефони, а сега тука се и информациите за датумот на објава на овие уреди.

Според наводите на реномиран дојавувач од Кина, Huawei Nova 8 и Nova 8 Pro официјално ќе дебитираат на 23. декември, што ќе ја означи и последната објава на компанијата Huawei за оваа година. Двата смартфона најпрвин ќе се појават на пазарот во Кина, почнувајќи од 30. декември.

Иако нема премногу детали за официјалните спецификации, Nova 8 и Nova 8 Pro се очекуваат со подобри карактеристики во однос на Nova 8 SE моделот.

Засновано на претходните извештаи, Nova 8 и Nova 8 Pro најверојатно ќе имаат OLED дисплеј, со стапка на освежување од 90Hz. Се очекува и 66W Huawei SuperCharge поддршка за брзо полнење, кој веќе го има премиум Huawei Mate 40 Pro моделот.

Кога е во прашање цената, Huawei Nova 8 би можел да чини 460 долари, додека цената на Nova 8 Pro моделот може да изнесува околу 610 долари.