Од петок, 20 октомври официјално ќе почнат да се продаваат во Македонија најновите смартфони на Apple, iPhone 8 и iPhone 8 Plus. Новите модели на iPhone ќе бидат достапни за продажба во единствениот Apple Premium Reseller во Македонија, iStyle, лоциран во Skopje City Mall.
Преднарачките за iPhone 8 и iPhone 8 Plus почнаа од минатиот петок, 13. октомври, а сите оние што направија преднарачка, ќе можат да си ги подигнат новите смартфони во iStyle, уште во петок, од 10 часот наутро. Цените за овие уреди се следните:
- iPhone 8 64 GB – 50.999 МКД
- iPhone 8 256 GB – 61.999 МКД
- iPhone 8 Plus 64 GB – 57.999 МКД
- iPhone 8 Plus 256 GB – 68.999 МКД
За разлика од iPhone 7, новите модели имаат целосно стаклено куќиште, подобрени стерео-звучници со 25 проценти посилен звук, подобрена камера со 12 мегапиксели и дополнителни ефекти за слика, како и нов процесор А11 Bionic кој има шест јадра, а за првпат iPhone ќе може да ги користи сите одеднаш. Тоа ќе ги подобри неговите перформанси за 70 проценти во однос на претходниот процесор од серијата А10.
Дисплејот ќе ја поседува познатата „True Tone“ технологија која ја користи iPad Pro таблетот, а која му помага на дисплејот да се приспособи на светлината што го опкружува корисникот, што пак овозможува да се прикажат поубави бои. Новите модели на iPhone ќе имаат и можност за безжично полнење на батеријата.
Доколку сте заинтересирани за iPhone 8 или iPhone 8 Plus за истиот можете да направите преднарачка на следниот ЛИНК, а ќе биде Ваш веќе во петок, 20 октомври 2017.