Пред Huawei Mate 40 серијата е необичен период, со оглед на тоа дека неодамнешните извештаи сугерираа дека надвор од Кина нема да биде објавена пред 2021. година. Huawei исто така очекува пад од 30 проценти во испораката на новиот премиум телефон.
Во меѓувреме, Huawei кон крајот на јули поднесе барање за сертификација кај NBTC (Тајланд) и EEC (Русија) за безжични компоненти, што се наменети за Huawei и Honor уредите. На таа листа уреди е и моделот NOH-NX9, за кој се верува дека е Huawei Mate 40 Pro.
И покрај тоа што се појавуваат извештаи за одложување и проблеми со чипсетите кои ги има Huawei, компанијата сепак успева на време да ги обезбеди сертификатите за Mate 40 серијата.
Иако извештаите сугерираат дека Mate 40 серијата на глобално ниво нема да се појави пред следната година, се очекува дека Huawei и натаму ќе го објави Mate 40 Pro во Кина во текот на следниот месец.