Microsoft објави ново ажурирање за својата Outlook апликација на Android и iOS платформите. Ажурирањето имплементира подобрување и исправки на багови за iOS апликацијата, додека Android корисниците добиваат подобрено dual-screen искуство.
Кога е во прашање changelog за Android, се истакнува дека side-by-side прегледот е оптимизиран за двата екрана на Samsung Fold, како и таблет уредите.
Microsoft константно овозможуваше подобрувања за Outlook апликацијата. Претходно овој месец, Office инсајдерите добија опција за синхронизирање на повеќе календари со Outlook, а претходно беше овозможена поддршка за прилагодени известувања, како и „Play my Email“ за Outlook за Android.
Најновото ажурирање на Outlook за Android пристигнува во верзијата 4.2035.2 и може да се преземе од Play Store. Апликацијата за iOS ја добива верзијата 4.55.0 и достапна е преку App Store.