Xiaomi го претстави својот нов носечки уред – Mi Band 5. Паметната алка има AMOLED дисплеј, подобрено следење на фитнес параметри и сталак за магнетно полнење.
Xiaomi Mi Band 5 има 1,2-инчен дисплеј, кој ќе добие преку 100 нови анимирани позадини, вклучувајќи ги и популарните анимирани серии како што се Neon Genesis Evangelion, Case Closed, Hatsune Miku и SpongeBob SquarePants.
Покрај тоа, алката има нов магнетен сталак за полнење. Mi Band 5 поддржува подобрен процесор со побрзо и попрецизно следење. Тука е и поддршката за поефикасно следење на сонот, а сега нуди информации за REM фазите на спиење, како и длабок и лесен сон.
Достапни се 11 фитнес модови, додека на корисничките од женскиот пол им нуди следење на менструалниот циклус. Тука е и PAI (Personal Activity Intelligence) резултатот за следење на фитнес параметрите. Поскапите варијанти на нараквицата нудат и NFC поддршка.
Xiaomi Mi Band 5 има цена од околу 27 долари за варијантата без NFC и околу 32 долара за моделот со NFC поддршка, а во продажба ќе се најде од 18. јуни, почнувајќи од пазарот во Кина.