MSI ги претстави Bravo 15 и Bravo 17 Full HD гејминг лаптопите, кои првенствено им се наменети на вљубениците во AMD брендот.
Лаптопите имаат Full HD дисплеи со стапка на освежување од 120Hz, со панели на IPS нивоа (веројатно AHVA). Bravo 15 има 15.6-инчна големина на екранот, додека Bravo 17 има дисплеј со големина од 17,3 инчи.
Лаптопите користат AMD Ryzen 7 4800H (8 јадра/16 thread-ови) “Renoir” процесорот, Radeon RX 5500M графичка картичка, AMD SmartShift технологија (која го балансира вчитувањето помеѓу iGPU и dGPU), како и 16GB DDR4-3200 меморија.
Bravo 15 има 512GB NVMe SSD, додека Bravo 17 со истиот SSD добива и дополнителен 1TB 7200 RPM HDD. За конекција се задолжени по два USB 3.2 type-C и type-A порта.
Кога се во прашање цените, MSI Bravo 15 има почетна цена од 929 долари, додека Bravo 17 чини 1099 долари во основната верзија.