Ако сте личност која поминува многу време надвор, Xiaomi би можел да подготвува телефон што одговара на вашиот животен стил. Веб-страницата LetsGoDigital откри дизајн на патент од кинеска компанија за телефон со интегриран соларен панел на задната страна.
Стилскиот дизајн вклучува целосен екран, без очигледна селфи камера, што укажува на тоа дека предниот сензор се наоѓа под екранот. Исто така, не постои видлив сензор за отпечатоци.
Покрај тоа, телефонот се чини дека не е значително подебел поради интеграцијата на сончевиот панел. Се разбира, останува прашањето колку е корисно да се полни телефон преку соларна енергија, но нема сомнение дека има и корисници на кои не би им пречела дополнителната опција за полнење на телефонот.