Она со кое што Huawei може да се пофали е обезбедување на редовни софтверски ажурирања за нивните телефони на редовна основа. EMUI 9 оперативниот систем на компанијата, базиран на Android 9 Pie, веќе се наоѓа на 80 милиони уреди, а се очекува да биде присутен на 100 милиони уреди до крајот на месецот.
EMUI 9 веќе е на Mate10, MateRS, Nova3 и P20 серијата, а Huawei вети дека ќе го достави ажурирањето до серијата Mate9 и P10 до крајот на јуни.
Со интерфејсот на EMUI, корисниците покрај основните апликации на Google и Play Store, исто така, добиваат нови уникатни карактеристики кои Huawei смета дека би можеле да бидат практични за корисниците.
Android Pie ќе биде последната голема надградба на системот на Huawei телефоните, освен ако Кина и САД не постигнат договор за трговија во наредните два и пол месеци. Доколку тоа не се случи, Huawei е во процес на изготвување на сопствен оперативен систем, наречен ARK OS, кој сè уште не е подготвен за употреба.