Twitter подготвува опција која на корисниците ќе им овозможи подобро модерирање на расправите под содржината што ја споделиле на платформата, што вклучува и криење на твитовите на други корисници.
Мишел Јасмин Хак, сениор менаџерка за производи во Twitter, откри дека платформата открива нова опција која ќе го забрза текот на расправите и ќе придонесе за создавање поквалитетна расправа на профилите на корисниците.
Имено, корисниците што споделиле некоја содржина ќе можат да сокријат твитови напишани како одговор на содржината. Тоа ќе можат да го направат преку опцијата „Hide Tweet“, која корисниците ќе можат да ја користат покрај постојните опции, како блокирање, замолчување и пријавување.
1/8 Thanks to Jane and @MattNavarra for starting the conversation about the this feature we are developing! We wanted to provide a little more context on it. https://t.co/Ws2rJfa8sl
— Michelle Yasmeen Haq (@thechelleshock) February 28, 2019
Веднаш по најавата на новата опција одредени корисници на оваа социјална мрежа го изразија своето незадоволство, истакнувајќи дека тоа би можело да послужи како средство за цензура. Меѓутоа, корисниците и понатаму ќе можат да ги гледаат скриените твитови и тоа преку посебно мени.
Јавното тестирање на опцијата ќе почне во наредните месеци.
Извор: B92.net