Апликацијата за брза размена на пораки Viber, во најновата верзија доби опција за креирање на чет групи со речиси неограничен број на корисници, односно максимално една милијарда. Ова засега од разбирливи причини е тешко да се провери.
Освен оваа опција, Communitties чет групите ќе имаат и опција за едноставно придружување со еден клик на линкот за групата, секој новодојден член на групата ќе може да ја види целата историја на разговорите во групата, а администраторите на чет групите ќе можат да ги залепат пораките на врвот на разговорот.
Функционалност би требало веќе да им биде достапна на корисниците на најновата верзија на Viber апликацијата за Android и iOS уредите.