HP претстави нови уреди од линиите Spectre и Elite. Покрај новите преносни компјутери, објавен е и еден USB-C монитор и USB глувче со вграден сензор за отпечатоци од прсти.
Новите Spectre x360 преносници, кои доаѓаат со 13,3“ и 15,6“ екрани, се темелат на Intel Whiskey Lake процесори и имаат хардверски kill switch со кои во целост може да се исклучи веб камерата.
Понатаму, двата модела доаѓаат со поддршка за 4G LTE мрежи и со значителна автономија. Spectre x360 зависно од моделот, може на едно полнење на батеријата да осигура помеѓу 17,5 и 22 часа работа.
EliteBook линијата исто така доби нов член во семејството – преносникот EliteBook x360 1040 G5. Лаптопот се заснова на 8. генерација Intel процесори, може да се опреми со до 32 GB RAM и до 2 TB простор за складирање. Екранот е со дијагонала од 14 инчи, FHD или 4K резолуција (зависно од моделот) и осветлување 700 нита.
И овој преносник има алумиумско куќиште изработено со CNC технологијата со елоксиран слој кој ги поминал сите испитувања според стандардот MIL-STD. HP како дополнителна опција ја нуди и поддршката за gigabit 4G LTE мрежи. Со едно полнење на батеријата, EliteBook x360 1040 G5 без проблем може да издржи 17,5 часа непрекината работа.
HP за крајот на годината подготви и еден USB-C монитор– EliteDisplay E243d. Мониторот може да послужи и како docking станица за преносни компјутери со USB-C порт. Интегрираната веб камера (720p) се вовлекува во куќиштето во рамки на мониторот и е достапна според потреба.
Мониторот е опремен со 60-херцен IPS панел со резолуција 1.920 x 1.080 пиксели. Се одликува со осветлување од 250 нита, контраст од 1000:1, видливи агли од 178 агли и брзина на одзив од 7 ms. Од видео влезовите, располага со по еден HDMI (1.4), D-Sub и USB-C порт. Покрај USB хаб, HP додаде и еден гигабитен LAN порт.
