Благодарение на модерната технологија, пристигна паметен кревет кој што ќе го реши еден од најголемите проблеми на сите парови.
На едниот му е премногу топло, а на другиот му е студено. Ова е ситуација во која што барем еднаш, се нашол секој пар кој што спие на ист кревет. Ултимативно решение, барем досега, не постоеше, затоа што е беше невозможно да се најде компромис кога на едниот партнер му е топло, а на другиот истоврмемено му е студено… и се на ист кревет.
Сепак, живееме во време во кое што технологијата пронаоѓа најразлични решенија со кои што решава најразлични проблеми, па така, после низата на најразлични паметни уреди, пристигнува и паметниот кревет Smartduvet Breeze кој брзо и едноставно ќе го реши „проблемот“.
Станува збор за кревет кој што нуди “Dual Zone” контрола на температурата, нешто слично на тоа што веќе со години го има кога е во прашање системот за климатизација на автомобилите. Со помош на Dual клима уредот во автомобилот, можете едната на едната страна да поставите една температура, а на другата стран да поставите друга температура.
Токму на тој принцип на „поделба на температурата“ работи и Smartduvet Breeze кој што со помош на апликација ќе нуди можност за контролирање на температурата на двете страни од креветот.