Токио е најиновативен град во светот, покажа листата на компанијата 2thinknow, која бодува 31 сегмент на индустријата и економијата на градовите и дури 62 индикатора на иновативност. Најголемиот јапонски град првпат се најде на врвот на листата, а од лани се искачи за две места.
Директорот на фирмата 2thinknow, Кристофер Хире, рекол дека Токио, инаку дом на големи компании како што се Софтбанк, „Тошиба“, „Сони“ и „Мицубиши“, се најде на првото место поради воведување нови технологии.
„Усвоија паметна технологија и направија земјотрес во трендовите со роботиката и 3Д-производството“, рекол Хире.
По Токио, следува Лондон, кој лани беше лидер во иновации. Сан Франциско е на трето место, а лани беше на 4. место. По него, следува Њујорк, а на 5. место е Лос Анџелес.