Компанијата за обработка на податоци и означување Scale AI денес потврди дека добила значителна инвестиција од Meta вредна 14,3 милијарди долари, со што нејзината проценка се зголемила на 29 милијарди долари.
Според извештаите на Tech Crunch, Meta инвестирала 14,3 милијарди долари за 49 проценти удел во стартап компанија која обезбедува податоци за обука на јазични модели на големи размери.
Како дел од договорот, коосновачот и извршен директор на Scale AI, Александар Ванг, се сели во Meta, каде што ќе работи на развој на вештачка суперинтелигенција.
„Ја продлабочуваме нашата соработка со Scale AI за да обезбедиме податоци за моделите на вештачка интелигенција. Александар Ванг ќе се придружи на Meta и ќе ни помогне во нашите напори кон суперинтелигенција“, рече Мета во соопштението.
Средствата инвестирани во Scale AI ќе бидат искористени за откуп на инвеститори и понатамошен раст на компанијата, која останува независна, бидејќи Meta се стреми да биде во чекор со конкурентите како што се Google, OpenAI и Anthropic.